Thursday 31 December 2020

கடந்த நிகழ்வுகள், கனக்கும் நினைவுகள்

வணக்கம் நண்பர்களே!

அனுபவ பதிவு போட்டு ரொம்ப நாளாச்சு இல்லையா? அதான் இந்த வருஷத்தோட கடைசி நாள் ஒரு பதிவு போடலாம்னு இதை எழுதினேன். என் மனசுல இருக்க ரீவைன் பட்டனை அழுத்தி ஜனவரி 2020க்கு போகலாம்.


நியூயர் செலிபிரேஷன் முடிஞ்ச மறுநாள் M.A. பரிட்சை. 2, 3, 4, 5. தொடர் பரிட்சைகள். 9ஆம் தேதி என் நெருங்கிய தோழியோட உடன் பிறந்த அண்ணன் இறந்துட்டார். 11ஆம் தேதி எனக்கு தெரிய வருது. அழுதுகிட்டே போய் கடைசி பரிட்சை எழுதி முடிச்சிட்டேன். 19, 20 தேதிகளில் அதே தோழியோட கல்யாணம்.

இப்போ அப்படியே ஃபெப்ரவரிக்கு போகலாம். காதலர்தினம் அன்று: என் குடும்பத்தாரால் காதலிக்கப்பட. நாங்கள் காதலிக்க இரண்டாவது குட்டி தேவதை அண்ணனின் குழந்தை இந்த உலகத்துக்கு வந்தா. அதே மாதம் அவளுக்கு பெயர் சூட்டும் வைபவம்.

அவ்வளவுதான். வாங்க மார்ச் மாதத்துக்கு போவோம். மார்ச் 3 நாங்க இந்த உலகத்துக்கு வர காரணமான பெற்றோரின் 35வது திருமணநாள். மார்ச் 24 எல்லோருக்குமே தெரிஞ்ச லாக்டௌன். அச்சோ ஏப்ரல் மே சொல்லிக்கிற அளவுக்கு ஒன்னுமில்லை.

ஜூன் 4ஆம் தேதி உங்கள் இதயத்தை கவர வலைப்பூ ஆரம்பித்தேன். ஜூலை மாதம் 4ஆம் தேதி ஒரு மாதக் குழந்தையின் பிறந்தநாள். எல்லா வலைப்பதிவர்களும் வந்து வாழ்த்தி. கேக் வெட்டி பிரியாணி சாப்பிட்டோம்.

ஜூலை 26ஆம் தேதி எனக்கும் என் அண்ணனுக்கும் ஒரேநாள்ல பிறந்தநாள். ஆகஸ்ட் மாதம் முழுவதுமே சோகமான மாதம். அந்த மாதம் 1ஆம் தேதி காலை எப்போதும் போலதான் விடிந்தது. மதியம் வரை ஆடிமாதம் கூழூத்துற விழாவிற்கு தயாராகிக்கிட்டு இருந்தோம்.

மதியம் 2 மணிக்கு இடியாய் அந்த தொலைப்பேசி அழைப்பு வந்தது. என் உயிருக்குயிரான உடன்பிறவா சகோதரி 21 வயது பூங்கொடி இந்த உலகத்தவிட்டு போய்ட்டா. பணத்துல ஏழைன்னாலும், குனத்துல கோடீச்வர குடும்பம் எங்க அம்மாவோட தம்பி குடும்பம். என்னைக் கண்ணுக்குக்கண்ணா பார்த்துக்கனும்னு எங்க மாமாவும் அவர் மனைவியும் அவங்க பிள்ளைகளுக்கு சொல்லிகொடுத்து வளர்த்தாங்க. அந்த பிள்ளைகளும் அப்படியே வளர்ந்தனர். அப்படி என்ன பார்த்துகிட்ட என்னோட கண் என்னைவிட்டு போய்டிச்சு. என் சந்தோஷத்தோட பூரணத்தையும் சேர்த்து எடுத்துக்கிட்டு போய்டிச்சு.

அதன்பிறகு போட்ட பதிவுகளெல்லாம் ஏதோ போடனும்னு போட்டேன். செப்டம்பர் 25ஆம் தேதி. நாம் சிரித்தால் மேலும் சிரிக்கத் தூண்டி, அழுதா மேலும் அழத் தூண்டி எல்லாரோட மனசை தன் குரலால் பிரதிபலிச்ச கண்ணாடி போய்டிச்சு. எப்படியாவது அவரைச் சந்திக்கனும்னு நினைச்ச எனக்கு ஏமாற்றம்.

அக்டோபர் என் நண்பனோட அக்கா வீட்டுக்காரர் இறந்துட்டார். அதே மாதம் இன்னொரு நண்பனோட அம்மா இறந்துட்டாங்க. நவம்பர் எங்க வீட்டு மாடில ஒரு தாத்தா இறந்தார்.

நவம்பர் 29ஆம் தேதி கவிதை கட்டுரை போட்டிகளில் கலந்து 2000 ரூபாய் முதல் பரிசு வாங்கினேன். டிசம்பர் 6 கவிதை மற்றும் பேச்சுப்போட்டிகளில் அதே முதல் பரிசு ரூபாய் 2000. டிசம்பர் மாதம் 19ஆம் தேதி எங்க அண்ணியோட பாட்டி இறந்துட்டாங்க. சொன்ன இழப்புகள் சில. சொல்லாத இறப்புகள் பல.

இப்படி நிறைய கெட்டதும் கொஞ்ச நல்லதுமா 2020 முடிஞ்சது. நாளை 2021 வருஷம் தொடங்கப்போகுது. அந்த வருஷமாவது எல்லாருக்கும் ரொம்ப நல்ல வருஷமா அமையனும்னு விதிகிட்ட விண்ணப்பிக்கலாம்.

அட்வான்ஸ் ஹாப்பி நியூயர். வளமும் நலமும் பெற்று வாழிய வாழியவே.




 

5 comments:

  1. Hi abinaya
    Happy new year 2021
    You forgot to add the happy news of your post graduation best wishes
    Vidya

    ReplyDelete
  2. இனிய புத்தாண்டு நல்வாழ்த்துகள் அபி.
    சென்ற வருடம் நிறைய இழப்புகள் தான்.
    இனி உனக்கும் அணைவருக்கும் நல்ல எதிர்காலம் அமைய வாழ்த்துக்கள்.

    ReplyDelete
    Replies
    1. thank you sir. same to you and your family

      Delete
  3. thank you sir same to you and your family

    ReplyDelete